بۇل  تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى قانىبەك جۇماشيەۆ ءمالىم ەتتى.

بۇگىن ق ر پرەزيدەنتى ەل اۋماعىندا ەنگىزىلگەن توتەنشە جاعداي توقتاتىلعانىن مالىمدەدى. سونىمەن قاتار، كوروناۆيرۋستىڭ قازىرگى احۋالى سارالانىپ، كەي وڭىرلەردەگى دەرتتىڭ باسەڭدەمەي وتىرعاندىعى جانە حالىقتىڭ دەنساۋلىعىنا ءالى دە ءقاۋىپ بار ەكەندىگى راستالدى.

وسىعان وراي، قازاقستان رەسپۋبليكاسى اۋماعىندا توتەنشە جاعداي رەجيمى اياقتالعانىمەن ماڭعىستاۋ وبلىسىندا كارانتين رەجيمى مەن شەكتەۋ شارالارى 11 مامىر تاڭعى ساعات 07:00 باستاپ 25 مامىردىڭ 07:00 ساعاتىنا دەيىن ۇزارتىلدى.

مەملەكەت باسشىسى «توتەنشە جاعداي رەجيمىن قامتاماسىز ەتۋ جونىندەگى كوميسسيا ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسيا» بولىپ قايتا قۇرىلاتىندىعىن اتاپ ءوتتى.

جالپى توتەنشە جاعداي رەجيمى كەزەڭىندە حالىقتىڭ دەنساۋلىعىن قورعاۋ، ولاردىڭ تابىسىن ارتتىرۋ جانە بيزنەسىن قولداۋ ءۇشىن ەلىمىز بويىنشا 500-گە جۋىق شەشىم قابىلدانىپ، جۇزەگە اسىرىلدى.

بۇگىندە  ق ر پرەزيدەنتىنىڭ تاپسىرماسى بويىنشا ەلىمىزدە داعدارىسقا قارسى شارالاردىڭ ەكى توپتاماسى جۇزەگە اسىرىلۋدا.

ەلىمىز بويىنشا 4،5 ميلليوننان استام ادامعا 42500 تەڭگە كولەمىندە قارجىلاي كومەك كورسەتىلدى. ال، ماڭعىستاۋ وبلىسىندا وسى قارجىلاي قولداۋدى 153 197 ادام الىپ وتىر.

«نۇر وتان» پارتياسىنىڭ «ءبىز بىرگەمىز» اكسياسىنىڭ اياسىندا جانە وزگە دە قايىرىمدىلىق شارالارى بارىسىندا وڭىردە 20 000-عا جۋىق ازاماتقا ازىق-تۇلىك پەن تۇرمىستىق زاتتار ۇلەستىرىلدى.

سونىمەن بىرگە، كوممۋنالدىق تولەمدەردىڭ ءتاريفى تومەندەتىلىپ، ونى تولەۋ ءۇشىن اسا مۇقتاج جاندار قوسىمشا كومەك الۋدا.

جالپىلاي ايتقاندا، ۇكىمەت دەڭگەيىندە ازاماتتاردى قولداۋ مەن بيزنەستى دامىتۋعا ارنالعان وسى جانە باسقا دا شارالاردى جۇزەگە اسىرۋ ءۇشىن ەكونوميكالىق ءوسىمدى قايتا قالپىنا كەلتىرۋ جونىندەگى كەشەندى جوسپار ازىرلەنىپ جاتىر. بۇل جوسپار جۋىق ارادا بەكىتىلەتىن بولادى.